Şriftin ölçüsü :

Saytın rəngi :

Yardımlı RİH başçısının sərəncamı

                                                                       AZƏRBAYCAN    RESPUBLİKASI

                                                      YARDIMLI  RAYONU  İCRA  HAKİMİYYƏTİ  BAŞÇISININ
                                               
                                                                               S Ə R Ə N C A M I

           
                                  № 25                                                                                       “15” aprel  2021-ci  il
                             
                                                            Yardımlı  Rayon İcra Hakimiyyəti yanında ictimai şuraya
                                                                 seçkilərin təşkilinə dair tədbirlər haqqında


         "İctimai iştirakçılıq haqqında" Azərbaycan Respublikası Qanununun 6-cı maddəsinə və Azərbaycan Respublikası Nazirlər Kabinetinin 2014-cü il 30 may tarixli 171 nömrəli Qərarı ilə təsdiq edilmiş "İctimai şuranın vətəndaş cəmiyyəti institutları tərəfindən seçilməsinə dair Əsasnamə"yə uyğun olaraq, Yardımlı Rayon İcra Hakimiyyəti yanında ictimai şuraya seçkilərin təşkil edilməsi məqsədilə
                                                                                 QƏRARA ALIRAM:
       1. Yardımlı Rayon İcra Hakimiyyəti yanında ictimai şuraya seçkilərin təşkili üçün Yardımlı Rayon İcra Hakimiyyəti yanında aşağıdakı tərkibdə seçki komissiyası yaradılsın:


                                         Rayon icra hakimiyyətindən komissiyanın üzvləri:


İbişov Şücaət Zabi oğlu                    - Yardımlı Rayon İcra Hakimiyyəti başçısı
                                                            aparatının ərazi idarəetmə və yerli 
                                                            özünüidarəetmə orqanları ilə iş şöbəsinin müdiri
                                                             
Əsgərov Mirqiyas İmran oğlu          - Yardımlı Rayon İcra Hakimiyyəti başçısı aparatının
                                                           İctimai- siyasi və humanitar məsələlər şöbəsinin 
                                                           müdir müavini
Mahmudov Camaləddin Mahmud oğlu - Yardımlı Rayon İcra Hakimiyyəti başçısı
                                                         aparatının İctimai- siyasi və humanitar məsələlər
                                                         şöbəsinin baş  məsləhətçisi
Hüseynov Kərəm Seymur oğlu      - Yardımlı Rayon İcra Hakimiyyəti başçısı aparatının
                                                         YYÇ işləri və hüquqlarının müdafiəsi üzrə 
                                                         komissiyanın məsul katibi

                                            Rayonda fəaliyyət göstərən qeyri-hökumət
                                                  təşkilatlarından komissiyanın üzvləri:

Hüseynov Əlibaba Barat oğlu       - Yardımlı Rayon Bələdiyyələr şurasının sədri

Bədirov Çingiz Məmməd oğlu      - Azerbaycan Qarabağ Müharibəsi əlilləri, Veteranları 
                                                       və Şahid Ailələri İctimai Birliyinin Yardımlı rayon 
                                                        filialının nümayəndəsi

Əməşov Etibar Böyükxan oğlu   - Azərbaycan Ziyalılar Cəmiyyətinin Yardımlı rayon
                                                      təşkilatının  nümayəndəsi

Ağayev Vaqif Bəybala oğlu        - "Azərbaycan Arıçılar Assosasiyası Ictimai Birliyinin
                                                       Yardımlı rayon şöbəsinin nümayəndəsi

         2. Yardımlı Rayon İcra Hakimiyyəti yanında ictimai şuraya namizədlərin irəli sürülməsi və qeydiyyat müddəti 2021-ci il aprelin 15-dan mayın 15-dek müəyyən edilsin.
       3. Yardımlı Rayon İcra Hakimiyyəti yanında ictimai şuraya seçkilər, qeydiyyat müddəti başa çatdıqdan 1 ay sonraya təyin edilsin.
       4. Yardımlı Rayon İcra Hakimiyyəti yanında seçki komissiyasına tövsiyə edilsin ki, "İctimai iştirakçılıq haqqında" Azərbaycan Respublikasının Qanununa və Azərbaycan Respublikası Nazirlər Kabinetinin 2014-cü il 30 may tarixli 171 nömrəli Qərarı ilə təsdiq edilmiş "İctimai şuranın vatandaş cəmiyyəti institutları tərəfindən seçilməsinə dair Əsasnamə”yə uyğun olaraq :
      4.1. Yardımlı Rayon İcra Hakimiyyəti yanında ictimai şuranın üzvlərinin say həddini müəyyən etsin;
        4.2. Yardımlı Rayon İcra Hakimiyyəti yanında ictimai şuraya namizədliyini irəli sürmək istəyən şəxslərin qeydiyyatı məsələlərinə baxsin;
       4.3. rəsmi internet səhifəsi ilə və ya mövcud olan digər vasitələrlə (kütləvi məlumat lövhəsi və s.) Yardımlı Rayon İcra Hakimiyyəti yanında informasiya vasitələri, ictimai şuraya seçkilərdə iştirak edəcək namizədliyi qeydə alınmış şəxslərin siyahısını elan etsin;
      4.4. vətəndaş cəmiyyəti institutlarının müraciəti əsasında Yardımlı Rayon İcra Hakimiyyəti yanında ictimai şuranın üzvlərini seçən birgə yığıncaqda iştirak edəcək təmsilçilərin qeydiyyatını aparsın;
        4.5. Yardımlı Rayon İcra Hakimiyyəti yanında ictimai şuranın üzvlərini seçən birgə yığıncağın təşkili ilə əlaqədar müvafiq tədbirləri görsün;
         4.6. Yardımlı Rayon İcra Hakimiyyəti yanında ictimai şuraya seçkilərin nəticələrinin seçkilər keçirilən gün elan olunmasını və seçkinin nəticələrinə dair protokolun tərtib olunmasını təmin etsin;
        4.7. "Ictimai iştirakçılıq haqqında" Azərbaycan Respublikası Qanununun və ictimai şuranın vətəndaş cəmiyyəti institutları tərəfindən seçilməsinə dair Əsasnamə"nin tələblərindən irəli gələn digər məsələləri həll etsin.
        5. Rayonda fəaliyyət göstərən qeyri-hökumət təşkilatlarının rəhbərlərinə tövsiyə edilsin ki, Yardımlı Rayon İcra Hakimiyyəti yanında ictimai şuraya seçkilərdə fəal iştirak etsinlər.
       6. Yardımlı Rayon İcra Hakimiyyəti başçısı aparatının Informasiya təminatı və təhlil sektoruna (Şənlik Bağırov) tapşırılsın ki, Yardımlı Rayon İcra Hakimiyyəti yanında ictimai şuraya namizədlərin irəli sürülməsi, qeydiyyatının başlanılması və başa çatması vaxtı, Yardımlı Rayon İcra Hakimiyyəti yanında ictimai şuraya seçkilərin vaxtı və keçiriləcəyi yer haqqında elanların Yardımlı Rayon İcra Hakimiyyətinin rəsmi internet səhifəsində yerləşdirilməsini təmin etsin.
      7. Yardımlı Rayon İcra Hakimiyyəti yanında ictimai şuraya seçkilərin təşkili ilə bağlı zəruri tədbirlərin görülməsi üçün məsul şəxs Yardımlı Rayon İcra Hakimiyyəti başçısının birinci müavini Azər Xamiyev təyin edilsin.
      8. Sərəncamın icrasına nəzarət Yardımlı Rayon İcra Hakmiyyəti başçısının birinci müavini Azər Xamiyevə tapşırılsın.


                                              Yardımlı Rayonu İcra
                                          Hakimiyyətinin başçısı:                                          Ayaz Əsgərov

Keçidlər