Yardımlıda Beynəlxalq Müəllimlər Günü qeyd olundu
Oktyabrın 2-də RİH-nin Akt zalında Beynəlxalq Müəllimlər Gününə həsr olunmuş tədbir keçirildi.Tədbir iştirakçıları əvvəlcə Ümummilli Lider Heydər Əliyevin abidəsi önünə gül dəstələri düzərək xatirəsini ehtiramla yad etdilər.
Tədbirdə çıxış edən rayon icra hakimiyyətinin başçısı Sevindik Hətəmov əlamətdar gün münasibətilə müəllimləri təbrik etdi. Natiq çıxışında qeyd etdi ki,Azərbaycan Respublikasının Prezidenti İlham Əliyevin diqqət və qayğısı nəticəsində ölkəmizin hər yerində olduğu kimi, Yardımlı rayonunda da təhsilin maddi-texniki bazasının möhkəmləndirilməsi sahəsində mühüm işlər görülüb, müəllimlərin sosial vəziyyəti yaxşılaşdırılıb.
Diqqətə çatdırıldı ki, bu gün ölkəmizdə təhsilə, müəllimə göstərilən diqqət göz qabağındadır. Müəllim əməyinin qiymətləndirilməsi, qabaqcıl müəllimlərin mükafatlandırılması, təhsil sahəsində aparılan islahatlar şərəfli peşə sahiblərinə göstərilən dövlət qayğısının bariz nümunəsidir. Elə bunun nəticəsidir ki, bu günlərdə Azərbaycan Respublikasının Prezidenti cənab İlham Əliyev tərəfindən rayonun Ostayır kənd tam orta məktəbinin müəllimi Mehdi Həsənova “Tərəqqi” medali verilmişdir.
Sonra təhsil şöbəsinin müdiri Manaf Balışov , müəllim Mehdi Həsənov və başqaları onlara göstərilən diqqət və qayğıya görə dövlətimizin başçısına minnətdarlıqlarını bildirdilər.
