BÜRZÜMBÜL KƏNDİNƏ TƏBİİ QAZ VERİLDİ
24 noyabr 2015-ci il tarixdə 148 abonetdən ibarət olan rayonun Bürzümbül kəndinə təbii qazın verilməsi ilə bağlı tədbir keçirildi.
Tədbirdə çıxış edən , rayon icra hakimiyyətinin başçısı Sevindik Hətəmov hazırda respublikamızda Regionların sosial-iqtisadi inkişafı Dövlət Proqramının uğurla icra edilməsindən, yeni-yeni sosial layihələrin həyata keçirilməsindən söz açaraq ələmətdar hadisə münasibətilə sakinlərini təbrik etdi, təbii yanacağın hər bir mənzilə sevinc, xoşbəxtlik və xeyir-bərəkət gətirməsini arzuladı.
Tədbirdə çıxış edən kənd sakinləri və ictimaiyyət nümayəndələri yaşayış məntəqəsinə təbii qazın verilməsinə görə Azərbaycan Respublikasının Prezidenti cənab İlham Əliyevə minnətdarlıqlarını bildirdilər.
Lənkəran Regional Qaz İstismar İdarəsinin rəisi Elçin Məmmədov əlamətdar hadisə münasibətilə kənd sakinlərinə təbriklərini çatdırdı.
Sonda rəmzi məşəl alovlandırıldı.
