Yardımlı rayonunda kənd təsərrüfatı işlərinin gedişi və aqrar sektorun inkişaf perspektivlərinə həsr olunan müşavirə keçirilmişdir.
Azərbaycan Respublikasının Prezidenti İlham Əliyevin tövsiyə və tapşırıqlarına müvafiq olaraq, rayonlarda kənd təsərrüfatı işlərinin gedişinin, fermerlərin, torpaq mülkiyyətçilərinin təklif və istəklərinin, həmçinin aqrar sektorun inkişaf perspektivlərinin öyrənilməsi və operativ tədbirlərin görülməsi məqsədilə yaradılan işçi qrupun üzvləri iyunun 8-də Yardımlı rayonunda olublar.
Yardımlı Rayon Mədəniyyət Mərkəzində fermerlərin, aqrar sahədə çalışan sahibkarların, mütəxəssislərin, müvafiq idarə və təşkilat rəhbərlərinin, təsərrüfat sahiblərinin, bələdiyyə sədrlərinin iştirakı ilə müşavirə keçirilib.
Mədəniyyət Sarayında təşkil olunmuş Şura iclasında iştirak etdi. İclasa RİH-nin başçısı Ayaz Əsgərov rəhbərlik etmişdir. Giriş sözü ilə o, rayonda tütünçülüyün, arıçılığın, heyvandarlığın inkişafı ilə bağlı görülmüş işləri və qarşıda duran vəzifələr barədə məlumat verdi. Sonra Prezident Administrasiyasının Aqrar məsələlər şöbəsinin müdiri Azər Əmiraslanov çıxış edərək Yardımlı rayonunda tütünçülüyün ənənəvi bir sahə olduğunu qeyd etdi, o, xam tütünün qiymətinin 25 qəpiyə qaldırılması və mülkiyyətçilərdə stimul yaratmaq üçün hər hektara subsidiya veriləcəyini qeyd etdi.
Meliorasiya və Su Təsərrüfatı ASC-nin sədr müavini Zakir Quliyev və İqtisadiyyat nazirinin müavini Sahib Məmmədov mülkiyyətçilərin sualları ətrafında yaranan məsələlərlə bağlı ətraflı izahatlar verdilər.
Şura iclası diskussiya formasında davam etdirildi. Ayrı-ayrı fermerlər, iş adamları, mülkiyyətçilər tütünçülüyün, arıçılığın, heyvandarlığın inkişafına mane olan problemlərdən və onların aradan qaldırılması yollarından söhbət açdılar. Onların fikirləri, təklifləri, problemləri öyrənildikdən sonra qarşıya çıxan suallara aidiyyəti qurumların rəhbərləri cavab verdilər.
Şurada iştirak edən müvafiq qurumların nümayəndələri qaldırılan məsələlərə aydınlıq gətirərək icrası istiqamətində tapşırıqlar verdilər. Iclasdan sonra yenidən RİH-də işçi qrupunun üzvləri arasında fikir mübadiləsi aparıldı. Qarşıya çıxan çətinliklərin həlli yolları araşdırıldı və aidiyyəti üzrə müvafiq tapşırıqlar verildi
Daha sonra rayonda tütün əkininin real vəziyyətini öyrənmək məqsədi ilə təsərrüfat sahəsində olundu. Əliyev Elçinin başçılıq etdiyi ailə kəndli fermer təsərrüfatında tütün əkininin gedişinə baxış keçirildi. E.Əliyev bildirildi ki, əkini aqrotexniki qaydadada aparmış, normal çıxış əldə etmişdir. Fermerə tövsiyə olunmuşdur ki, gələcəkdə 10 ha sahənin dahada artırılmasına nail olunmaqla əkin sahəsi ilə məğul olunsun. Sahəyə baxış keçirilən zamanı fermer aqrotexniki qaydalara tam əməl etmiş və səpinin optimal müddətdə aparılmasına nail olmuşdur.Nəticədə Yardımlı rayonunda mülkiyyətçi ilə bağlanmış müqaviləyə əsasən 10 ha sahədə tutun əkini başa çatmışdır.
