Yardımlı Rayon İcra Hakimiyyəti, Dövlət Sərhəd Xidmətinin Yardımlı rayonu ərazisində yerləşən “N” saylı hərbi hissəsinin əməkdaşları ilə birgə sərhədboyu kəndlərin ərazi icra nümayəndələri və bələdiyyə sədrləri ilə görüşü keçirildi.
21 iyul 2017 | 16:00
Görüşdə əsas diqqət dövlət sərhəddinin birgə mühafizəsi məqsədilə mühafizə zolaqlarında təsərrüfat işlərinin görülməsi zamanı neqativ halların qarşısının alınmasına yönəldilib. Bununla əlaqədar tədbirlərin gücləndirilməsinin vacibliyi vurğulanmışdır.
Görüşdə çıxış edən rayon icra hakimiyyəti başçısı cənab Ayaz Əsgərov qeyd etdi ki, Dövlət sərhəddinin mühafizəsində sərhədboyu kəndlərin dövlət və bələdiyyə qurumlarının üzərinə böyük vəzifələr düşür, onlar qaçaqmalçılıq hallarının qarşısını almaqla sərhədçilərə hər cür kömək göstərməli, sərhəd mühafizə zolaqlarında təsərrüfat işlərinin aparılması zamanı neqativ halların qarşısını almaq üçün profilaktiki tədbirləri daha da gücləndirməlidirlər.
Keçidlər
