Yardımlı rayon icra hakimiyyətinin başçısı Kürəkçi kənd sakinləri ilə görüş keçirmişdir.

17 may  2019-cu il tarixdə Yardımlı Rayon İcra Hakimiyyəti başçısının növbəti səyyar görüş-qəbulu Kürəkçi  kəndində keçirilmişdir. Görüşdə Azərbaycan Respublikası Prezidentinin Administrasiyasının Ərazi-təşkilat məsələləri şöbəsinin 5-ci ərazi sektorunun müdiri  Dəyanət Abdullayev, hüquq mühafizə orqanlarının rəhbərləri, idarə müəsissə  və təşkilat rəhbərləri, kənd sakinləri, KİV-nin nümayəndələri  iştirak etmişdir.
   RİH-nin başçısı Ayaz Əsgərov  kənd əhalisini salamlamış, son illərdə ölkəmizin sosial- iqtisadi inkişafı naminə dövlət səviyyəsində həyata keçirilən tədbirlərin icmalını vermişdir. Bildimişdir  ki, Ümummilli Liderimiz Heydər Əliyevin müəyyən etdiyi inkişaf yolu cənab Prezident İlham Əliyev tərəfindən uğurla davam etdirilir. Bu yaxınlarda cənab Prezidentin minimum əmək haqqının, pensiyaların, tələbələrin təqaüdlərinin artırılması  Müharibə veteranlarına, şəhid ailələrinə verilən müavinətlərdən, eləcədə 12 mindən çox şəhid vərəsəsinə 11 min manat birdəfəlik  vəsaitin ödənilməsindən, problemli kreditlərlə bağlı verdiyi sərəncamlardan , əhalinin sosial müdafiyəsinin daha da gücləndirilməsi ilə bağlı təkliflər paketinin hazırlanması barədə vətəndaşlara geniş  məlumat vermişdir.
Səyyar görüş-qəbulda Azərbaycan Respublikası Prezidenti Administrasiyasının məsul işçisi Dəyanət Abdullayev vətəndaşları dinlədi. Qəbul zamanı vətəndaşlar tərəfindən  əsasən  qaz, elektrik dirəklərinin təmiri, kənd yolunun əsaslı təmiri, ünvanlı sosial yardımın təyin olunması ilə bağlı məsələlər qaldırıldı. Həlli münkün olan məsələlər icrası məqsədi ilə  aidiyyəti qurumların rəhbərlərinə konkret tapşırıqlar verildi. Vətəndaşların qaldırdığı həlli müəyyən vaxt tələb edən məsələlər isə icra olunmaq üçün nəzarətə götürüldü.

Görüşdə kənd sakiləri ölkədə olan sabitliyə, əminəmanlıqa, vətəndaşlara göstərilən diqqətə, rayonumuzda eləcə də kəndlərdə görülən işlərə görə ölkə başçısına  minnətdarlıqlarını bildirmişlər.